Aktyor Javohir Zokirov o‘zini O‘zbekistondagi eng ko‘p gonorar oladigan aktyorlardan biri deb atadi. Bu haqda u “Darakchi” nashri tomonidan tashkil etilgan “Yulduz-onlayn” loyihasida ma’lum qilgan.
Nashr o‘quvchilaridan birining Javohir Zokirovga qarata: “Qancha gonorar olasiz?”, — qabilida bergan savoliga, aktyor shunday javob bergan: “Juda ko‘p. Men O‘zbekistondagi eng qimmat aktyorlardan biriman”.
Avvalroq rejissorlar o‘rtasida o‘tkazilgan so‘rovnoma asosida, o‘zbek kinosidagi eng qimmat aktyorlar reytingi tuzilgan edi. So‘rovnomada qatnashgan rejissorlardan faqat Said Muxtorov Javohir Zokirovni “eng qimmat aktyor” sifatida e’tirof etgan edi.
Manba
