20 mart kuni qo'shiqchi Sidney bo'ylab Rebel Heart turini yakunladi. Billboard jurnalining baho berishiga ko'ra, bu gastrollar 169,8 million daromad keltirgan. Madonnaning kontsertlardan umumiy daromadi esa 1,31 milliardga yetdi, deb yozadi "KUN.UZ".
Nashriyot 1990 yildan buyon tegishli hisob-kitob olib boradi. 2009 yili Madonna eng daromadli artistlar ro'yxatining birinchi qatorini egallagan. Keyinchalik o'rnini Bryus Springstinga bo'shatib bergandi. Endi Madonna yana o'z joyini qaytarib oldi.
Eng daromadli artistlar umumiy ro'yxatini The Rolling Stones guruhi (1,84 milliard dollar) boshqaradi. Ikkinchi o'rinda U2 guruhi (1,67 milliard dollar) bo'lsa, Madonna 3-faxrli o'rinni egallagan.