AQSh prezidenti Barak Obama argentinalik hamkasbi Maurisio Makri Buenos-Ayresda uyushtirgan qabul marosimida tango raqsiga tushdi. “RIA Novosti”ning Associated Press agentligiga asoslanib yozishicha, AQSh prezidenti va uning rafiqasi Mishel Obama boshqa-boshqa sheriklar bilan raqs ijro etishgan.
YouTube’da joylashtirilgan videolavhadan ma’lum bo‘lishicha, Obama dastlab uni raqsga taklif qilgan qizga rad javobini bergan, ammo birozdan so‘ng o‘rnidan turib, raqs maydonchasiga chiqqan.
Obama Argentinaga 23-mart, chorshanba kuni tashrif buyurdi. AQSh prezidentlari 19 yildan buyon bu mamlakatga safar uyushtirmagan edi.
Manba