Prezident Vladimir Putin Rossiya sanoatchilar va ishbilarmonlar uyushmasi syezdi doirasida bir guruh biznesmenlar bilan bo‘lib o‘tgan yopiq uchrashuvda ularga Ukrainadagi aktivlarini sotmaslikni maslahat berdi. Bu haqda Meduza xabar qilmoqda.
Uchrashuvda ishtirok etgan qatnashchilardan birining aytishicha, Putin munosabatlar yaxshilanishiga umid borligi, sabr qilish lozimligi, qolaversa, Ukrainada hokimiyat almashishi mumkinligi, biznes esa qolishini bildirgan.
Shuningdek, Putin Rossiya va AQSh o‘rtasidagi kelishmovchilik kuchaymasligi, aksincha, ikki mamlakat munosabatlari asta-sekin ijobiy tomonga o‘zgarib borishini ta’kidlagan. Bu aynan qachon sodir bo‘lishi va Rossiyaga qarshi sanksiyalar olib tashlanishi muddati haqida davlat rahbari izoh bermagan.
Manba
