1-mart kuni Tojikiston prezidenti Emomali Rahmon tantanali tarzda ommaviy axborot vositalarining uchta muhim obyektini ochdi, bular “Varzish” va “Sinamo” davlat televideniye muassasalari hamda “Ommaviy axborot vositalari akademiyasi” davlat muassasasidir. Bu haqda “Review.uz” xabar bermoqda.
“Varzish” telekanali orqali Tojikiston va dunyo sporti olamidagi yangiliklardan xabardor bo‘lish mumkin, “Sinamo” esa qiziqarli filmlarni namoyish etib, dunyoga Tojikiston xalqining qadimiy tarixi, madaniyati, an’analarini ko‘z-ko‘z qilishga ixtisoslashgan. Ushbu telekanallar dasturlarini dunyoning qator mamlakatlarida sun’iy yo‘ldosh antennasi orqali tomosha qilish mumkin.
OAV akademiyasida televideniye va radio, davriy nashr, axborot texnologiyalari, kompyuterni o‘rganish, dizaynerlik bezaklari va soha xodimlarini qayta tayyorlash bo‘limlari mavjud.
Manba
