Toshkent bozorlariga uchinchi avlod Motorola Moto G (3rd gen) smartfonlarining kichik partiyasi keldi, deya xabar bermoqda “Mobinfo.uz”.
Model taqdimoti 2015-yil yozida Hindistonda bo‘lib o‘tgan edi. Uning o‘ziga xos jihatlaridan biri — komplekt ichida bo‘ladigan rang-barang almashinuvchi korpuslar orqali uni turli didlar uchun moslashtirish mumkin.
O‘rtacha narx segmentidagi Moto G smartfoni 5 dyuymli va 1280×720 pikselli displey, Qualcomm Snapdragon 410 protsessori, 13 megapikselli kamera, 2470 mA/s sig‘imli akkumulyatorga ega.
Poytaxtdagi mobil qurilmalar bozorida Moto G (3rd gen)ni 1,4 million so‘mga xarid qilish mumkin.
