Toyota kompaniyasi yaqin orada Prius markasi ostida gibridli kuch qurilmasiga ega o'zining ixcham krossoverini taqdim qiladi.
Xabar berilishicha, yangi avtomobil Toyota va Mazda hamkorligining natijasi bo'ladi. Bu kompaniyalar yaqinda “yashil” avtomobil texnologiyalari sohasida hamkorlik qilishlarini e'lon qilgan edilar. Xususan, Toyota kompaniyasi Mazda kompaniyasiga o'zining vodorod yonilg'i elementlarida ishlovchi gibrid dvigatellari va kuch qurilmalari bilan bog'liq ishlanmalarini taqdim qiladi, Mazda esa o'z navbatida SkyActive seriyasi tejamkor ichki yonuv dvigatellarida qo'llaniladigan texnologiyalari bilan bo'lishadi.
Prius gibrid krossoverining asosini 1,5 litr ishchi hajmga ega SkyActive seriyasi dizel agregati tashkil qiladi. U elektr motor-generator bilan to'ldiriladi. Energiyani jamlash uchun katta sig'imli akkumkulyator bloki ko'zda tutilgan.
Ko'rinishicha, Prius krossoveri o'tgan yili kuzda Parij avtosalonida namoyish etilgan C-HR konsept-kari dizaynini oladi. Ushbu konsept-kar sport ko'rinishidagi tashqi qiyofaga va etarlicha katta klirens, ya'ni yo'l bilan avtomobil tagi orasidagi masofaga ega.