Yaponiyaning ikki yirik konserni – Toyota Motor Corp. va Nissan Motor Co. dunyo bo'yicha 3 mln mashinani savdodan chiqaradi. TASS agentligining ma'lum qilishicha, bunga Takata firmasi ishlab chiqargan xavfsizlik yostiqlarining ishonchsizligi sabab bo'lgan.
Avtomobilsoz kompaniyalar tarqatgan bayonotda aytilishicha, Toyota’ning servis aksiyasi 2003 yil aprelidan 2008 yil dekabriga qadar ishlab chiqarilgan 24 modeldagi 2,86 mln mashinaga daxldor. Ulardan 1.7 mln donasi evropa, 360 mingtasi Yaponiya va 190 mingtasi Xitoy bozoriga chiqarilgan.
16 iyun kuni Toyota AQSh bozoridan shu muammoga ega 1.7 mln dona avtomobil chiqarilishini ma'lum qildi.
O'z navbatida, Nissan 2007 yil aprelidan 2008 yil dekabriga qadar ishlab chiqarilgan Navara pikaplari va Teana sedanlarini sotuvdan chiqaradi.
