Respublikachilar partiyasining eng yorqin vakili Donald Tramp tez orada oʻzini prezidentlarga xos tarzda tutishni boshlashini taʼkidladi, RIA Novosti xabariga koʻra "Sputnik News" ma'lumot bermoqda.
Fox News telekanalida, yakshanba kuni boʻlib oʻtgan intervyu davomida, milliarderga uning barcha “tomoshabop chiqishlarini” eslatib oʻtishdi. Misol uchun, xalq koʻz oʻngida Rim papasi — Frantsisk tanqidiga oʻta qoʻrslik bilan javob qaytarganini, oʻz chiqishlarida sobiq prezident kichik Jorj-Bushni ayovsiz tanqid ostiga olganini hamda partiyadagi raqiblari haqida kamsitib gapirganini…
Milliarderning AQSH va Meksika chegarasida devor qurmoqchi boʻlgani, musulmonlarni AQShga kiritmaslik taklifi bilan chiqqani ham qattiq tanqidga olingani aytib oʻtildi. Trampning bu hayrotomuz takliflari uning Janubiy Karolinadagi saylovlarda gʻolib chiqishiga halal bera olmadi.
Oʻzingizni qachon prezidentlarga xos tuta boshlaysiz, degan savolga, Tramp oʻziga xos “kamtarlik” ila javob berdi: “Umuman olganda, bu borada faqat Avraam Linkoln mendan oʻzib ketishi mumkin. Qolgan prezidentlarga haqiqiy rahbar oʻzini qanday tutishi kerakligi borasida dars bera olaman”, — deb taʼkidladi u. Qachon shunday boʻlishi haqidagi savolga, u qisqa qilib “Tez orada”, — deya javob qaytardi.
"Oʻylashimcha, vaqti kelganda, oʻzimni juda ham prezidentlarga xos tutaman. Hozir esa hayot uchun kurashyapman. Men juda koʻplab iqtidorli va qattiqqoʻl insonlar bilan kurash olib borishga majbur boʻldim. Shu bois, oʻz hatti-harakatlarim haqida oʻylashga menda vaqt boʻlgani yoʻq", — xulosa qildi Tramp.