“Ummon” estrada guruhi vakillari radio va televideniye efirida ko‘pdan beri chiqmay qo‘ygani muxlislar orasida turli mish-mishlarning kelib chiqishiga sabab bo‘layotgan edi. Ushbu masalaga oydinlik kiritish maqsadida “Darakchi.uz” sayti guruh a’zolari bilan bog‘lanib, ulardan javob oldi.
“Uzr, ming bora! Muxlislarimizni sog‘intirib qo‘yganimiz rost, ammo bu bejizga emas, – deb tushuntirdi “Ummon” a’zolari. – Tanaffus ham ijodiy edi. Bu muddatda ko‘plab qo‘shiqlar va kliplar yaratdik. Tez kunda tarona va kliplar bilan ketma-ket muxlislarni xursand qilamiz. Shu kunlarda ‘Soat 7 da’ nomli qo‘shig‘imizga klip suratga olishni rejalashtirdik. Tinglagach va klipni tomosha qilgach, muxlislarimiz xursand bo‘lishi aniq!”
