Buyuk Britaniya internet-do‘konlari ushbu LG G4 smartfoniga buyurtma qabul qila boshlashdi.
Bu yerda oddiy qora va kulrang tusli korpusdagi modellar 500 funt sterlingdan sotilmoqda. Britaniyadagi Amazon do‘koni esa xuddi shu modelni 599,99 funt sterlingdan taklif qilmoqda. Orqa korpusi teridan ishlangan premium versiya narxi e’lon qilinganicha yo‘q.
Eslatib o‘tamiz, LG G4 ikki xil variantdagi dizaynga ega. Ulardan birining orqa korpusi original teksturaga ega bo‘lsa, ikkinchisi baxyalab tikilgan buzoq terisidan ishlangan.
Smartfon 5,5 dyuym va 2560×1440 pikselli ekran, 16 megapikselli asosiy va 8 megapikselli old kamera, 3 Gb tezkor va 32 Gb ichki xotira (+microSD), 3000 mA/s sig‘imli akkumulyatorga ega. LG G4 Android 5.1 Lollipop operatsion tizimida ishlaydi.
Uning o‘lchamlari 148,9×76,1×6,3—9,8 mm, og‘irligi 155 grammga teng.
