Eng yirik aloqa operatori “Beeline” “Uchinchi avlod-2015” dasturiga arizalarni qabul qilishda davom etmoqda. Bugungi kunda O‘zbekiston oliy o‘quv yurtlarining so‘ngi bosqich talabalari va magistrlardan 100dan ziyod rezyumelar qabul qilingan.
“Bu yili talabalar o‘tgan yillarga nisbatan faol tarzda arizalarni topshirmoqdilar, chunki “Beeline”ning mazkur loyihasi ommalashmoqda, – deydi “Unitel”ning jamoa bilan ishlash va ommaviy rivojlantirish bo‘yicha direktori Yekaterina Agandjanova. – Loyiha natijalari bo‘yicha uning aksariyat ishtirokchilari kompaniyada ishlash uchun qoladi va o‘z karyerasini quradi. Telekom-sohasi, inovatsiyalar va ishonchli kasbiy tayyorlov qiziq bo‘lgan barchani kompaniyamizga taklif etamiz”.
