Yil oxiriga borib jahon bo‘yicha mobil aloqa xizmatidan foydalanuvchilar soni 7 milliard kishidan oshadi. Bu haqda, BMTning Ming yillik rivojlanish maqsadlariga erishishni baholash bo‘yicha maqsadli guruhi hisobotiga asoslanib, “TASS” xabar bermoqda.
“Maqsadli guruh hisob-kitoblariga ko‘ra, 2015-yil oxiriga borib mobil aloqa foydalanuvchilari soni 7 milliarddan oshadi va sayyora aholisining 95 foizdan ortig‘i mobil aloqa tarmoqlari bilan qamrab olinadi”, — deyiladi BMT bosh qarorgohida tarqatilgan press-relizda.
BMTning iqtisodiy va ijtimoiy masalalar bo‘yicha departamentining 2015-yil iyul oyidagi ma’lumotlariga ko‘ra, Yer aholisining umumiy soni hozirgi vaqtda 7,3 milliard kishini tashkil etmoqda.
