Aholi sonining oshishi va shu bilan birga xususiy avtomashinalar sonining ko'payishi odamlarga yo'l qatnovida qulaylik yaratish bilan birga qator muammolarni ham keltirib chiqaradi, deb yozadi "Kun".
Masalan ko'p qavatli turar joylarda mashinalar qo'yishga joy kamligi, to'xtab turgan mashinalarning piyodalar harakatiga xalal berishi, mashinalarning xavfsizligi va hokazo.
Shularni inobatga olib, ko'p qavatli avtoturargohlar qurishni keng targ'ib qilish rejalashtirilmoqda.
“Toshkentboshplan” LITI DUK direktori Mirzaahmedov Rahimjon Xalilovich bergan ma'lumotlarga ko'ra, ko'pqavatli avtoturargohlar qurish loyihasi bilan chiqqan tashabbuskor tadbirkorlar har tomonlama qo'llab-quvvatlanadi, jumladan imtiyozli kreditlar taqdim etish masalasi ham ko'rib chiqilmoqda.
