Internetda @evleaks niki bilan ko‘proq tanilgan amerikalik mashhur insayder Evan Blass Samsung dan bo‘lajak flagmanning chiqish muddatini ma’lum qildi. Blassning ma’lumotiga ko‘ra, Galaxy S7 smartfoni 11 mart kuni AQSHda savdoga chiqariladi. O‘tgan yili Galaxy S6 e’loni 10 aprel kuni chiqqan edi.
Samsungdan kelgusidagi yangi smartfon haqida hech qanday rasmiy ma’lumotlar bo‘lmasada, internetda Galaxy S7ning xarakteristikasi haqida bir qancha mish-mishlar tarqalib ketdi. @evleaks ning ma’lumot berishicha, Janubiy Koreya kompaniyasi birdaniga flagmanning oddiy va cheti egilgan ekranli (Galaxy S6 a Galaxy S6 Edge ga o‘xshash) 2 ta versiyasini taqdim etmoqchi.