Bugungi kunda ijtimoiy tarmoqlarda “Majnun” filmidan olingan videolavhalar allaqachon filmga nisbatan muxlislar qiziqishini uyg`otib bo`ldi. Instagram sahifasida deyarli har bir san`atkor filmga o`z munosabatini bildirib, uni kutayotganini yozib qoldirgan. Biroq filmda bosh qahramon obrazini yaratgan aktyor Ulug`bek Qodirovning o`zi nimadandir norozi. Xo`sh, bunga sabab nima?
Ulug`bek Qodirov: “Filmga hech qanday e`tirozim yo`q. Ssenariy, rejissura, operatorlik ishlari ko`ngildagidek. Biroq aktyorni aldash kurakda turmaydigan ish. Hayotimni xavf ostiga qo`ydim. Rejissyor esa film suratga olib bo`lingach, hech narsa bo`lmaganday ish tutyapti. Ertaga boshqa rejissyorlar ham filmi zo`r chiqishi uchun aktyorni istagan ko`yiga solsa. Rejissyorning aktyorga nisabatan bunday munosabatini qanday tushunish mumkin?”
Ulug`bek Qodirovning bunday iddaolariga rejissyorning qanday harakati sabab bo`ldi?
Jurnalist Sadoqat Allaberganovaning “Darakchi” gazetasining 7-sonda chiqadigan maqolasi orqali bu haqda batafsil bilib olishingiz mumkin.
Aytish joizki, film rejissyor Jahongir Ahmedov tomonidan suratga olingan bo`lib, unda Matyoqub Matchonov, Muhammad Iso Abdulhairov, Asal Shodieva, Ra`no Shodieva, Ra`no Zokirova singari aktyorlar rol ijro etgan.
Manba: "Darakchi" nashri
