Yil boshidan beri Yevropaga O‘rtayer dengizi orqali 110 mingdan ziyod muhojir va qochoq kelgan, bu jarayonda 413 kishi nobud bo‘lgan yoki bedarak yo‘qolgan. Bu haqda Migratsiya bo‘yicha xalqaro tashkilot ma’lum qildi, deya xabar beradi “TASS”.
Tashkilot tomonidan Jenevada chop etilgan axborotnomada bildirilishicha, 2016-yilning 1-yanvaridan 23-fevraliga qadar Gretsiyaga 102 547, Italiyaga esa 7507 nafar muhojir va qochoq kelgan. Gretsiyaga kelish asnosida 321, Italiyaga yo‘l olganlardan esa 92 kishi halok bo‘lgan yoki daraksiz yo‘qolgan.
Tashkilot rasmiy vakili Itayi Viririning eslatishicha, o‘tgan yili Yevropaga kelgan muhojirlar soni iyul oyidagina 100 ming nafarga yetgan, yanvar—fevral oylarida esa 11 834 nafar qochoq kelgandi.
