Google Venture Yevropa startaplarini qo‘llab-quvvatlash uchun 100 million AQSh dollari ajratadi . Bu haqda Mashable xabar berdi.
“Biz London, Parij, Berlin kabi hududlardan e’tiborni o‘ziga jalb qila olgan kompaniyalar paydo bo‘lganini ko‘rdik. Yevropa startaplari yuqori salohiyatga ega ekanligiga ishonamiz”, — dedi Google Venture vakili.
Google Venture 2009-yilda faoliyatini boshlagan va u startaplarni qo‘llab-quvvatlash bilan shug‘ullanadi. Uning oxirgi harajati yil boshida bo‘lgan va 3,2 milliard dollarni aqlli termostat hamda tutunni sezuvchi qurilma ishlab chiqaruvchi Nest kompaniyasi uchun sarflagan.
