Turkiyani Suriya hududlariga bomba tashlashni to‘xtatishga chaqirgan Fransiya tashqi ishlar vazirligiga rasmiy Anqara tomonidan norozilik bildirildi. Bu haqda Reuters agentligiga tayangan holda “TASS” xabar bermoqda.
Aytilishicha, Turkiya tashqi ishlar vaziri Mavlud Chavusho‘g‘lu fransiyalik hamkasbi bilan suhbat o‘tkazgan. Muloqot chog‘ida u Fransiyaning Suriya masalasida muqaddam berilgan bayonotiga nisbatan o‘z noroziligini bildirgan.
14-fevral kuni Fransiya TIV e’lon qilgan bayonotda Turkiya Suriya kurdlariga qarshi olib borayotgan harakatlari tanqid ostiga olingan edi. Jumladan, Turkiya kurdlar istiqomat qilayotgan hududlarni o‘qqa tutishni to‘xtatishga chaqirilgan edi.
