Rossiyaning Suriyadagi Xmeymim aviabazasiga yangi Tu-214R razvedkachi samolyoti yuborildi. Bu haqda parvozlarni kuzatib boruvchi FlightRadar24 servisiga tayanib, “Interfaks” ma’lum qildi, deb xabar beradi Meduza.
FlightRadar24 ma’lumotlariga ko‘ra, Qozon aviatsiya zavodi aerodromidan uchib chiqqan samolyot Kaspiy dengizining xalqaro suvlaridan, keyin esa Eron va Iroq hududidan uchib o‘tib, 15-fevral, dushanba kuni kechqurun Xmeymim bazasiga qo‘ngan.
Rossiya harbiy-havo kuchlari tarkibida ikkita Tu-214R samolyoti sinovdan o‘tmoqda.
