AQSh prezidenti Barak Obama hozirgi zamonaviy superkompyuterlarni ancha ortda qoldiradigan dunyodagi eng kuchli superkompyuterni yaratish haqidagi qarorga imzo chekdi .
Hozirda dunyoda eng kuchli hisoblash majmuasi Guanchjouda Milliy superkompyuter markazida o'rnatilgan Xitoyning Tianhe-2 tizimi hisoblanadi. Bu superkompyuter 33,86 petaflops (petaflops – bir soniyada suzib yuruvchi vergul bilan bajariluvchi kvadrillion operatsiya) tezkorlikka ega. Tianhe-2’ning eng katta unumdorligi 54,9 petaflopsni tashkil qiladi.
AQShning bo'lg'usi hisoblash majmuasi unumdorligi hozirdagi rekordchining ko'rsatkichlaridan 10 barobar ko'proqni tashkil qila oladi, deb taxmin qilinmoqda. Bu erda gap ekzaflops darajasidagi, ya'ni soniyasiga suzub yuruvchi vergul bilan bajariluvchi kvintillion operatsiya haqida ketmoqda. Tizimdan turli murakkab hisob-kitoblarni, misol uchun yomon ko'rinishdagi o'simtalarga qarshi kurashish usullarini qidirish, iqlimni modellashtirish va koinot hududini tadqiq qilish uchun foydalaniladi.
Bu yangi loyiha doirasidagi ishlarni o'tkazish uchun maxsus tuzilma – Milliy kompyuter strategik tashabbusi (National Strategic Computing Initiative, NSCI) shakllantiriladi. Ushbu tizimni 2025 yilga qadar amaliyotga kiritish rejalashtirilmoqda.
