Kantar Worldpanel tahlil kompaniyasi smartfonlar bozori mavzusida maqola chop etdi. Unga ko‘ra, hozirgi paytda amerikaliklarning 65 foizi, yevropaliklarning 74 foizi va Xitoy shahar aholisining 72 foizi allaqachon smartfonlarga ega. Bu haqda 3DNews xabar beradi.
AQShda smartfon foydalanuvchilari high-end toifasidagi qimmat smartfonlarni xarid qiladi. 2015-yilda sotuv hajmining 48 foizi 500 dollardan yuqori narxdagi smartfonlarga to‘g‘ri kelgan. EU5 (Fransiya, Germaniya, Ispaniya, Italiya va Buyuk Britaniya) mamlakatlarida barcha smartfonlar sotuv hajmining 27 foizi high-end ko‘rsatkichiga to‘g‘ri keladi.
Diqqatga sazovor jihati shundaki, Apple hamon AQShda eng xaridorgir smartfon ishlab chiqaruvchilardan biri hisoblanadi. U yerda iste’molchilarning 40 foizi iPhone’ni tanlasa, 35 foizi Samsung qurilmalarini xarid qilish istagini bildirgan. Motorola brendi esa 6 foiz ko‘rsatkich bilan uchinchi o‘rindan joy olgan.
EU5 da esa 37 foiz iste’molchilar Samsung, 29 foizi esa Apple brendini tanlagan.
Manba
