Eng yirik aloqa operatori “Beeline” rasmiy Telegram-kanalini ishga tushirdi. Kanalga obuna bo‘lib, eng ommapob va foydali yangiliklardan xabardor bo‘lish uchun Telegram ilovasini yangilab, quyidagi havola orqali o‘tish lozim https://telegram.me/BeelineUzbekistan
“Unitel”ning jamoatchilik bilan aloqalar xizmati rahbari Oraz Abdurazakov: “Millionlab abonentlarga xizmat ko‘rsatish – bu jiddiy va mas’uliyatli ish, u hodimlardan kreativ yondashuv va resurslarni mobilizatsiya qilish, shuningdek aloqa kanallarining maksimal sonini talab etadi. “Beeline” bozor yetakchisi sifatida digital-innovatsiyalarning cho‘qqisida turishga harakat qiladi, shuning uchun brendning OTT-sohasiga o‘tishi vaqt masalasidir. “Telegram”dagi korporativ kanalning ochilishi – bu faqatgina ilk qadam, uni minglab obunachilar baholab bo‘ldilar”.
Telegram — smartfon va boshqa moslamalar uchun bepul messenjer, uning yordamida turli formatdagi mediafayllar va xabarlar bilan almashish mumkin. Mutaxassislarning so‘ngi ma’lumotlariga ko‘ra, “Telegram” foydalanuvchilari har kuni 12 milliarddan ziyod xabarlar yo‘llaniladi, o‘tgan yilning dekabr oyiga nisbatan bu yigirma marotaba ko‘p.
Bugungi kunda Telegram‘dagi "Beeline Uzbekistan” kanaliga 4 000dan ziyod kishi obuna bo‘lgan.
