Oxirgi bir yil davomida Eron aksilnarkotik politsiyasi 525 tonna narkotikni musodara qildi. Bu haqda mamlakat xavfsizlik xizmatlari tarkibidagi maxsus bo‘linma rahbari general Ali Moyediy ma’lum qildi, deya xabar beradi “TASS”.
“Oxiriga yetayotgan yil (Eronda yil 21-mart kuni yakunlanadi) davomida butun mamlakat bo‘ylab 525 tonna narkotik musodara qilingan, bu o‘tgan yilga nisbatan 14 foizga ko‘p. Ushbu narkotiklardan 400 tonnasini afyun, 75 tonnasini gashish, qolganini geroin va morfin tashkil etgan. Operatsiyalar chog‘ida ularni olib o‘tish bilan shug‘ullangan bir necha guruh qo‘lga olindi, 61 nafar narkosavdogar yo‘q qilindi”, — deya ta’kidlagan Moyediy.
Generalning bildirishicha, operatsiyalar asosan mamlakatning sharqiy chegaralarida o‘tkazilgan. Afg‘oniston va Pokiston bilan chegaradosh Siston va Belujiston viloyati orqali o‘tuvchi narkotrafik esa yil davomida ikki barobar ko‘paygan.
Manba
