Eronda 26-fevral, juma kuni parlament uchun umumiy saylovlar boshlandi. Bu haqda “RIA Novosti” xabar beradi.
Saylov uchastkalari mahalliy vaqt bo‘yicha 8:00 da ochildi. Saylovlarda ovoz berish huquqiga ega 55 millionga yaqin eronlik ishtirok etishi mumkin.
Eron parlamenti – Islom kengashi majlisi to‘g‘ridan-to‘g‘ri, yashirin ovoz berish yo‘li bilan saylanadi. Saylovlar natijalariga ko‘ra, 25 foizdan ko‘p ovoz olgan nomzodlar Majlis deputati bo‘ladi. Qolgan da’vogarlar kurashni ikkinchi turda davom ettiradi.
Ichki ishlar vazirligi saylovlarni tashkil etadi va rasmiy natijalarni e’lon qiladi.
IRNA agentligining ma’lum qilishicha, parlament saylovlarida 290 ta deputatlik o‘rni uchun besh mingga yaqin nomzod kurashadi.
Manba
