Facebook ijtimoiy tarmog'i dunyoning eng birinchi moliyaviy korporatsiyasi hisoblangan JP Morgan Chase’dan qimmatroqqa baholandi.
Jon Pirpont Morgan nomi bilan ataladigan, XIX asrdan beri faoliyat yuritib keladigan bank giganti o'zining bozor qiymati bo'yicha Facebook’dan ortda qoldi.
Kompaniya asoschisi Morgan o'z vaqtida AQShga o'zining hozirdagi sanoat quvvatini egallashga ko'mak bergan, davlatning temiryo'l tizimini qayta tashkillashtirgan, AQSh hukumatini ikki bor defoltdan qutqarib qolgan hamda o'shanda U.S. Steel, hozirda esa JP Morgan Chase deb ataladigan dunyodagi eng yirik kompaniyaga asos solgan.
4 fevral kuni birjadagi savdolar yopilishi oldidan Facebook’ning bozor qiymati 212 mlrd dollarlik ko'rsatkichda bo'lgan, JP Morgan Chase kompaniyasiniki esa 209 mlrd dollar deb baholangan. Bu holat bozordagi vaqtinchalik tebranishlar oqibatida ro'y bermoqda, deb hisoblashga har qancha urinilmasin, kompaniyaning bu narxi bir necha oydan beri deyarli o'zgarishsiz qolmoqda.
