Facebook ijtimoiy tarmog‘i o‘z faoliyatida 27-yanvar kuni sodir bo‘lgan nosozlik xakerlar hujumi tufayli yuz bergani haqidagi xabarlarni rad etdi, deb xabar bermoqda “RIA Novosti”.
“Nosozlik tashqaridan hujum tufayli emas, balki biz ishlash tizimida aks etgan o‘zgarish kiritganimizdan keyin sodir bo‘ldi. Biz muammoni yechish uchun tez harakat qildik. Hozirda bizning ikkala xizmatimiz ham (Facebook va Instagram) barcha uchun 100 foiz ochiq”, − dedi kompaniya vakili.
Avvalroq, Lizard Squad xakerlar guruhi 27-yanvar kuni Toshkent vaqti bilan soat 11:00 dan keyin bir soat davomida Facebook va Instagram ijtimoiy tarmoqlari ishlamay qolgani uchun javobgarlikni o‘z bo‘yniga olgani xabar berilgan edi.
