GM Uzbekistan avtomobillarining joriy yil yanvar—noyabr oylarida Rossiyadagi sotuvi 2014-yilning shu davriga nisbatan 47 foizga (18753 donagacha) pasaydi. Bu haqda Yevropa biznesi assotsiatsiyasi avtomobil ishlab chiqaruvchilari qo‘mitasi ma’lumotlariga tayanib, UzDaily xabar berdi.
2015-yil noyabrida korxona Rossiyada 1634 ta mashina sotgan, bu o‘tgan yilning shu oyiga solishtirganda 13 foizga kam. Rossiya bozorida GM Uzbekistan ulushi yanvar—noyabr oylarida o‘tgan yildagi 1,6% o‘rniga 1,3 foizni tashkil etgan.
2015-yil 11 oyi yakunlari bo‘yicha GM Uzbekistan Rossiyada avtomobil sotish hajmi bo‘yicha 21-o‘rinni egallagan. Korxonaning hech bir modeli ushbu mamlakatdagi eng xaridorgir 25 avtomobil ro‘yxatiga kirmadi.
