Hindiston poytaxti Nyu-Dehlining 10 milliondan ziyod aholisi o‘tgan hafta bo‘lib o‘tgan namoyishlar tufayli suvsiz qolmoqda. Bu haqda “RIA Novosti” xabar berdi.
Nyu-Dehlining Roxtak va Jadjar tumanlaridagi tartibsizliklar 18-fevral, payshanba kuni davlat muassasalarida ish va oliy o‘quv yurtlarida o‘qish o‘rinlari uchun kvotalar ko‘paytirilishini talab qilayotgan mahalliy etnik guruh — jatlar bir necha avtoyo‘llarni to‘sib, barrikadalar o‘rnatganidan so‘ng boshlandi. Politsiya ularni olib tashlashga harakat qilganda namoyishchilar ularni toshbo‘ron qilgan va politsiya avtomobilini yoqib yuborgan.
Shundan so‘ng politsiya o‘q uzgani bildirilmoqda. Buning oqibatida 19 kishi halok bo‘ldi, 150 kishi jarohat oldi.
Namoyishchilar Nyu-Dehlini suv bilan ta’minlovchi tindirish tizimi va nasoslarni sindirgan. Rasmiylar suv ta’minoti buzilgani sababli barcha ta’lim muassasalarini yopish yuzasidan ko‘rsatma bergan.
Manba
