Hyundai Motor avtokonserni premium-sinfdagi yo'ltanlamas avtomobillari segmentida talabning kattaligi va kompaniyaning ko'plab sedanlari savdolarining tushib ketishi oqibatida o'zining premium-sinfdagi yo'ltanlamas avtomobilini ishlab chiqarishni boshlamoqchi. Bu haqda Bloomberg agentligi xabar bermoqda.
Nashrning ta'kidlashicha, Hyundai`ning Janubiy Koreyadagi assortimentiga 10ta sedan va 4ta krossover kiradi. Yangi katta o'lchamli mashina ko'proq AQShlik iste'molchilarga mo'ljallanadi.
Ehtimol, Hyundai`ning yangi mashinasi kompaniyaning krossoverlari savdosini yaxshilashi mumkin, hozircha ular bu turdagi avtomobillar orasida uncha ommaviylashmagan. 2015 yilning 1-choragida kompaniyaning birorta ham yo'ltanlamas avtomobili kompaniya uchun dunyodagi eng yirik bozor hisoblanadigan Xitoyda sotilayotgan eng ommaviy yo'ltanlamas avtomobillar o'ntaligiga kira olmagan.
2015 yilning aprel oyida Jenevadagi avtosalonda Hyundai o'zining yangi avloddagi Tucson ixcham krossoverini namoyish etdi. Iyunda kompaniya 2016 yilgi model yili uchun yangilangan Santa Fe avtomobilini namoyish qildi va yilning ikkinchi yarmida yangi Creta mashinasini sotuvga chiqarishini ma'lum qildi.
