Mart oyida Barselonda bo‘lib o‘tadigan Mobile World Congress 2015 ko‘rgazmasida taqdim etilishi kutilayotgan Lenovo Vibe Z3 Pro smartfoni rasmlari internetda tarqalib ketdi, deb yozadi “Mail.ru”.
Suratlarga qaraganda, smartfon yirik hajmga ega, uning chetlari alyuminiydan ishlanadi. Smartfonning yuz qismida hech qanday yozuv va tugma bo‘lmaydi.
Rasmlarni oshkor qilgan manbaning yozishicha, Vibe Z3 Pro 5,5 dyuym 2560×1440 pikselli displey, sakkiz yadroli Qualcomm Snapdragon 810 protsessori, 4 Gb tezkor va 64 Gb ichki xotira, 3400 mA/s sig‘imiga ega akkumulyator hamda 16 megapikselli kamera bilan jihozlanadi. Qurilma Android 5.0 Lollipop operatsion tizimida ishlaydi.
