Futbol bo‘yicha Ispaniya La Ligasining 30-turiga 18-mart kuni start berildi. Turning birinchi o‘yinida ligada jon saqlab qolish uchun kurash olib borayotgan “Xetafe” 8-o‘rinni egallab turgan “Eybar”ni qabul qildi.
Uchrashuvning 7-daqiqasida mezbonlar Emiliano Velaskesning goli bilan hisobda oldinga chiqib olgan bo‘lsa, o‘yin asosiy vaqti yakuniga uch daqiqa qolganida Borxa Baston “Eybar”ni mag‘lubiyatdan qutqarib qolgan golni urdi.
Borxa Baston 25 ta o‘yinda 17 ta gol bilan to‘purarlar poygasida oltinchi bo‘lib turibdi. 1992-yilda tug‘ilgan futbolchidan oldinda Krishtianu Ronaldu (27 ta gol), Luis Suares (26), Lionel Messi (22), Neymar (20) va Karim Benzema (19) kabi hujumchilar bor.
30 ta o‘yinda 38 ochko jamg‘argan “Eybar” turnir jadvalida 8-o‘rinda bormoqda. “Xetafe” esa 28 ochko bilan 16-o‘ringa ko‘tarildi.
Ispaniya La Ligasi
30-tur uchrashuvi
18-mart, juma
“Xetafe” — “Eybar” 1:1
Gollar: Velaskes, 7 (1:0). Baston, 87 (1:1).
30-turning qolgan bellashuvlari 19—20-mart kunlari bo‘lib o‘tadi:
19-mart, shanba
“Sporting” — “Atletiko”
“Granada” — “Rayo Valyekano”
“Real Sosyedad” — “Las-Palmas”
“Deportivo” — “Levante”
20-mart, yakshanba
“Betis” — “Malaga”
“Espanyol” — “Atletik”
“Vilyareal” — “Barselona”
“Valensiya” — “Selta”
“Real” — “Sevilya”
Manba
