MasterCard to‘lov tizimi Buyuk Britaniyada amalga oshirilgan to‘lovlarni tasdiqlash uchun mijozning yuzini tanish xizmatini joriy qiladi. Bu haqda Financial Times nashriga asoslanib, “RBK” yozmoqda.
Selfi orqali yuzni tanishdan tashqari, MasterCard’ning britaniyalik mijozlari barmoq izlaridan ham identifikatsiya maqsadlarida foydalanishi mumkin bo‘ladi. Bu tizim ishga tushsa, karta egalari pin-kodlar, parollar va to‘lovni tasdiqlash kodlaridan foydalanishiga ehtiyoj qolmaydi.
Texnologiya muqaddam AQSh va Niderlandiyada sinovdan o‘tkazilgan edi. Kompaniyaning xavfsizlik masalalari bo‘yicha direktori Ajey Bxallaning ishontirib aytishicha, selfi yordamida to‘lovlarni amalga oshirish foydalanuvchilarga ma’qul tushgan. Shu yilning yozida MasterCard xizmatni jahonning 14 davlatida ishga tushirishni rejalashtirmoqda.
