Xitoyning yangi Meizu Pro 6 flagman smartfonining ilk “jonli” suratlarini Nowhereelse manbasi e’lon qildi, deb yozadi “Hi-tech.mail.ru”.
Insayderlar ta’kidlashicha, ishlab chiquvchilar Samsung Exynos 8890 protsessori va 2K sifatli ekrandan voz kechgan. Buning o‘rniga, gadjet o‘n yadroli MediaTek Helio X25 chipiga ega bo‘ladi.
5,5 dyuymli ekran necha pikselli bo‘lishi aytilmayapti, ammo u ekranga berilgan bosim kuchini aniqlash texnologiyasini qo‘llab-quvvatlashi ma’lum. Smartfon 21 va 5 megapikselli kameralar, 3500 mA/soat sig‘imli akkumulyator bilan jihozlanadi.
Manbalar, shuningdek, Meizu yangi flagmanning ikki xil modifikatsiyasini chiqarishini qayd etmoqda. Kichigiga 4 Gb tezkor va 64 Gb ichki xotira, kattasiga esa tegishli ravishda 6 Gb va 128 Gb xotira o‘rnatiladi.
Eslatib o‘tamiz, avvalroq Meizu Pro 6’ning fotosuratlarini iPhone 7’ga tegishli deb yanglishishgan edi.
Manba
