O'zbekistonning milliy aloqa operatori "O'zbektelekom" AK 2021 yilgacha Wi-Fi texnologiyasi negizida internetga simsiz abonent kirishni kengaytirish uchun 105 mln dollarga yaqin mablag' sarflaydi, deb xabar berdi kompaniya vakili RIA Novosti axborot agentligiga, deb yozadi "KUN.UZ".
Loyihada O'zbekiston bo'ylab 300 ta tarixiy va madaniy meros ob'ektida hamda jamoat va sayyohlik faol bo'lgan joylarda umumiy quvvati 1 mln portni tashkil qiluvchi Wi-Fi tarmog'ini yaratish ko'zda tutilgan. Loyiha o'zbekistonlik va xorijiy kreditorlar tomonidan moliyalashtiriladi.
"O'zbektelekom" 2015 yil mayida O'zbekistondagi 27 ta sayyohlik ob'ektida Wi-Fi texnologiyasini ishga tushirdi. Loyiha O'zbekistonning 4 viloyati Xorazm, Qashqadaryo, Surxondaryo va Toshkent viloyatlarini qamrab oldi. Milliy operator ma'lumotlariga ko'ra, Wi-Fi tarmog'idagi internetga kirish tezligi 4 Mbit/soniyagachani tashkil qiladi.