O‘zbekistonning Ukrainadagi elchixonasi Tashqi iqtisodiy aloqalar, investitsiya va savdo vazirligi bilan hamkorlikda respublikaning eksportga mo‘ljallangan mahsulotlari ko‘rgazmasini tashkil etdi. Bu haqda “Jahon” axborot agentligi xabar beradi.
Tadbirda Ukrainada faoliyat ko‘rsatayotgan yirik birlashmalar, qishloq xo‘jalik korxonalari va savdo uylarining vakillari ishtirok etdi.
“O‘zsanoateksport” AJ, “O‘ztadbirkoreksport”,“Livadiya-Buxoro”, Akfa, Artel, Gold Dried Fruits, IntelPlast Tashkent, Texnika Advans Servis vakillari ishtirokida uchrashuvlar o‘tkazildi. Unda hamkorlar O‘zbekistonda tadbirkorlikni yo‘lga qo‘yish, mahsulotlar ishlab chiqarish va investitsiyalar kiritish uchun yaratilgan qulay shart-sharoitlar bilan tanishtirildi.
O‘tkazilgan ikki tomonlama uchrashuvlar yakuni bo‘yicha Ukraina hududida savdo uylarini ochish va mamlakatga jami 14,3 million dollar qiymatidagi mineral o‘g‘itlar, qishloq xo‘jalik va tekstil mahsulotlari hamda maishiy texnikani yetkazib berishga kelishib olindi.
Manba
