27-mart, yakshanba kuni Pokistonning Panjob provinsiyasi poytaxti Lahor shahrida Gulshani Iqbol bog‘idagi bolalar maydonchasida xudkush terrorchi o‘zini portlatib yubordi, deya xabar bermoqda “TASS”. Natijada 72 kishi halok bo‘ldi, yana 300 dan ziyod kishi jarohat oldi.
Portlash yuz bergan vaqtda istirohat bog‘ida ko‘plab oilalar farzandlari bilan bo‘lgan, statsionar va ko‘chma postlarda esa soqchilar deyarli bo‘lmagan. Tashrifchilar sonining nihoyatda ko‘pligi pokistonlik nasroniylar Pasxa bayramini nishonlayotgani bilan bog‘liq bo‘lgan. Portlash bolalar arg‘imchoqlaridan bir necha metr narida ro‘y bergan.
Terakt uchun javobgarlikni “Jamoat ul-Ahror” ekstremistik guruhi o‘z bo‘yniga oldi, u pokistonlik toliblarning “Tahriki-tolibon Pokiston” harakati panohida faoliyat olib boradi.
Manba