Suriyaning Xoms shahrida sodir etilgan ikki terakt — minalashtirilgan ikki avtomobilning portlatilishi oqibatida kamida 46 kishi halok bo‘ldi. Bu haqda “Vedomosti” xabar bermoqda.
Teraktlar 21-fevral, yakshanba kuni tongda Xoms g‘arbidagi Az-Zahro dahasida, Sittin ko‘chasida sodir bo‘lgan. Minalashtirilgan avtomobillar mahalliy universitet talabalarini mashg‘ulotlarga tashiydigan mikroavtobuslar turargohida portlatilgan.
Az-Zahro dahasida prezident Bashar Asad ham mansub bo‘lgan alaviylar jamoasi vakillari istiqomat qiladi. Bu manzilda oldin ham teraktlar uyushtirilgan, ularga asosan mahalliy maktablar va kasalxonalar nishon bo‘lgandi.
