Turkiya huquq-tartibot idoralari Anqara markazida sodir etilgan teraktga aloqadorlikda gumon qilib, jami 17 kishini hibsga oldi. Bu haqda “Interfaks” xabar bermoqda.
Gumonlanuvchilar mamlakatning yetti viloyatida qo‘lga olingan. Poytaxt bosh prokurori Xorun Kodalakning bildirishicha, politsiya yana bir gumonlanuvchini qidirishda davom etmoqda.
Eslatib o‘tamiz, minalashtirilgan mashinaning harbiylarni olib ketayotgan transport kolonnasi yonida portlashi oqibatida 27 nafar harbiy va bir nafar davlat xizmatchisi halok bo‘lgan, 61 kishi turli darajada jarohat olgan.
