Amerikaning Atrof-muhitni muhofaza qilish bo‘yicha agentligi EPA keyingi model yiliga tegishli yangi Volt gibridining rasmiy xususiyatlarini e’lon qildi , deya xabar bermoqda “O‘zavtosanoat” matbuot xizmati.
General Motors muhandislari litiy-ionli batareyalar hisobiga avtomobilning elektrda yurish masofasini 39 foizga oshirib, 85 kilometrgacha yetkazdi.
Benzin-elektr aralash rejimida yoqilg‘i sarfi benzin ekvivalentida har 100 kilometrga 2,2 litrni tashkil etadi. Faqat benzinli rejimda esa bu har 100 kilometrga 5,6 litrga teng bo‘ladi.
Yangi Chevrolet Volt o‘tgan qishda taqdim etilgan edi. U AQShda 2015-yil oxirida sotila boshlaydi.
