AQShning Nyu-Meksiko shtatida 10-mart kuni mahbuslarni tashish uchun mo‘ljallangan furgondan qochib ketgan ikki nafar xavfli jinoyatchidan biri Albukerke shahrida 11-mart, juma kuni hibsga olindi. Bu haqda mahalliy hukumat rasmiy vakillari ma’lumotiga tayanib, “TASS” xabar beradi.
Ma’lum qilinishicha, gap qotillik uchun hukm qilingan 32 yoshli Jozef Kruz haqida bormoqda. U hukumatdan ikki sutkaga yaqin yashirinishga muvaffaq bo‘lgan.
Qochib ketgan ikkinchi jinoyatchi 29 yoshli Layonela Kloni qidirish ishlari davom etmoqda. U qurolli o‘g‘rilik, politsiyachiga hujum qilish va boshqa jinoyatlarda aybdor deb topilgan.
Kruz va Klo qochib ketgandan keyin huquqni muhofaza qilish organlari ular haqidagi ma’lumot uchun o‘n ming dollar miqdoridagi mukofot belgiladi. Ular mashinadan qanday qilib chiqib ketganligi ma’lum qilinmadi. Hodisa jinoyatchilarni bir qamoqxonadan boshqasiga tashish vaqtida sodir bo‘lgan.
Manba
