BAAning Ajman shahrida ayol haydovchi tormoz bosish o'rniga tezlatgich pedalini bosib yubordi va buning oqibatida restoranga buzib kirgan, deb yozadi "KUN.UZ".
Ajman politsiyasining yo'l harakati va patrul xizmati bo'limi boshlig'i Ali Humeyd Al Musaibining so'zlariga ko'ra, restoran ichidagi ikki ayol, bir kishi va bir bola jarohatlangan. Haydovchi ayol ham yengil jarohatlar olgan. Ularning barchasi shifoxonaga yetkazilgan.
Haydovchi shifoxonada yordam ko'rsatilganidan so'ng, Al Hamidiyadagi politsiya mahkamasiga olib kelingan.
Voqea tafsilotlariga ko'ra, haydovchi mashinani restoran oldidagi mashinalar turar joyiga qo'yayotgan paytda tormoz bosish o'rniga tezlatgich pedalini bosish oqibatida restoranni buzib kirgan.
