Belarusning Grodno shahrida yashovchi Sergey Moroz 1-mart kuni O‘zbekistonga qarab piyoda sayohatga yo‘l oldi. Bu haqda “1news.uz” xabar beradi.
Ob-havo sharoitlari tufayli sayohatining birinchi kunida Sergey faqat 25 kilometr masofani bosib o‘tdi. U to‘rt yil davomida Belarus, Rossiya, Mo‘g‘uliston, Qozog‘iston, O‘zbekiston va Qirg‘iziston orqali o‘tuvchi 30 ming kilometr masofani bosib o‘tishni maqsad qilgan.
Sergeyning ushbu sayohat davomida o‘z oldiga qo‘ygan vazifalari masofani to‘liq piyoda bosib o‘tish, imkoniyat bo‘lsa Ramzan Qodirov bilan uchrashish, tarixda o‘z izini qoldirish, shuningdek, o‘g‘liga o‘rnak bo‘lishdan iboratdir.
U o‘zi bilan safarga do‘sti sovg‘a qilgan GoPro, smartfon va kerakli buyumlar zaxirasini olgan.
Manba
