Janubiy Koreya OAVlari xabarlariga ko'ra, LG Display kompaniyasi yaqin orada bukiluvchi smartfonlar va fabletlar uchun displeylar ishlab chiqarishni boshlaydi.
Qayd etilishicha, yangi turdagi bukiluvchan ekranlarning ishlab chiqarilishi dastur ishlab chiqarish biznesiga ega qandaydir korporatsiyaning buyurtmasi bo'yicha o'zlashtirib olinadi. Bu sirli buyurtmachi high-end sinfidagi smartfonlar segmentida Apple va Samsung kompaniyalariga raqobatchilik qilmoqchi.
LG buyurtmachisi Samsung’ning bukiluvchi displeylarini ham sinovdan o'tkazgan, biroq qandaydir sabablarga ko'ra ulardan foydalanishdan voz kechishga qaror qilgan. LG’ning hamkori nomi keltirilmayotgan bo'lsada, gap Microsoft korporatsiyasi haqida ketayotgani taxmin qilinmoqda.
Shuningdek ma'lum qilinishicha, bu displeylarning ishlab chiqarilishiga 900 mln dollarlik sarmoya kiritilgan. Ekranlar organik svetodiodlar (OLED) texnologiyasi negizida ishlab chiqarilishi taxmin qilinmoqda. Shuningdek, bu displeylarning chidamliligi ancha yuqori bo'lishi aytilmoqda: ularni 100 ming martagacha bukib, yana o'z holiga keltirish mumkin bo'ladi.
Samsung bir necha kun avval bukiluvchi smartfonlar ishlab chiqarishni rejalashtirayotgani ma'lum bo'lgandi. Bunday qurilmalar 2016 yilning yanvaridayoq namoyish qilinishi kutilmoqda.
