AQShning Merilend shtatidagi Federalsburg posyolkasi yaqinidagi maydonda 13 ta oq boshli burgutning o‘ligi topildi. AQSh ramzi sanalgan va Amerika gerbida tasvirlangan oq boshli burgutlarning ommaviy o‘limi nafaqat mahalliy tabiat qo‘riqchilarini, balki jamoatchilik va matbuotni ham oyoqqa turg‘azdi, deb xabar qiladi “TASS”.
Burgutlarning o‘limi sababi hozircha aniqlanmadi. “Ishchi farazi — zaharlanish”, — dedi mahalliy tabiatni qo‘riqlash politsiyasi vakili Kendi Tomson.
U yirtqich qushlarning kalamushlar zaharidan zaharlangan kemiruvchilarning qoldiqlarini yegan bo‘lishi mumkinligini yoki ularning o‘ligi topilgan maydonga yangicha gerbitsid bilan ishlov berilgan bo‘lishi mumkinligini istisno qilmadi.
Tomsonning so‘zlariga ko‘ra, oq boshli burgutlarning ommaviy ravishda qirilishi shtatda so‘nggi 30 yil ichida kuzatilmagan. Ushbu hodisa bo‘yicha tergov ishlari boshlandi. Ish bo‘yicha berilgan ma’lumot uchun 2500 dollar miqdorida mukofot belgilandi.
