Hindistonda ishlab chiqarilgan birinchi atom suvosti kemasi “Arixant” barcha sinovlardan o‘tdi. Bu haqda Economic Times gazetasi ma’lumotiga tayanib, “RIA Novosti” xabar beradi.
“Suvosti kemasi barcha sinovlardan o‘tdi va kutganimizdan ko‘proq ko‘rsatkichlarga erishdi. Texnik jihatdan suvosti kemasi istalgan paytda qurollanish uchun olinishi mumkin”, — deyiladi nashr manbasi xabarida.
Ma’lum qilinishicha, “Arixant” oxirgi olti oy davomida barcha sinovlardan o‘tgan. Jumladan, suv ostiga chuqur sho‘ng‘ish va bortida harbiy raketalar sinovi o‘tkazilgan.
“Arixant” suvosti kemasi Rossiya loyihasi bo‘yicha yaratilgan bo‘lib, u Hindistonda ishlab chiqarilgan birinchi atom suvosti kemasi hisoblanadi.
