Makkadagi Haram masjidida ziyoratchilarni jaziramadan himoya qilish maqsadida dunyodagi eng katta buklama soyabonlar o‘rnatiladi. Bu haqda Saudi Gazette manbalariga tayanib, “RIA Novosti” xabar bermoqda.
“Muhandislar yaqin olti oy ichida masjidda o‘rnatish yakunlanadigan sakkizta yuqori texnologiyali buklama soyabonlardan birinchisini o‘rnatishni boshladi. Har bir soyabonning balandligi 45 metr, og‘irligi 16 tonnadan iborat. Ularning gumbazi katta soat, ziyoratchilar uchun ma’lumotlar aks etadigan monitor, konditsionerlar va kuzatuv kameralaridan iborat bo‘ladi. Har bir soyabon 2400 kvadrat metr maydonni yopadi. Shuningdek, butun masjid bo‘ylab 54 ta kichik soyabonlar o‘rnatiladi”, — deya ma’lum qiladi nashr.
Mazkur choralar Saudiya rasmiylarining o‘tgan yil Mino vodiysida ro'y bergan va 2200 kishi o‘limiga sabab bo‘lgan tiqilinchdan so‘ng xavfsizlik darajasini oshirishga qaratilgan qarori bilan bog‘liq. Ziyoratchilar adashib qolishining oldini olish uchun ular elektron xaritalar bilan ta’minlanishi ham bildirilgan.
Manba
