Porsche kompaniyasi barcha xodimlariga 8 911 yevrodan mukofot puli to‘lashga va’da qildi. Bu haqda Motor xabar beradi.
Germaniya kompaniyasi rahbariyatining ma’lum qilishicha, 2015-yil avtomobil ishlab chiqaruvchi kompaniya tarixidagi eng omadli yil bo‘lgan.
O‘tgan yilda Porsche 225 121 dona avtomobilni sotishga muvaffaq bo‘lgan. Bu esa undan avvalgi yilgi ko‘rsatkichdan 19 foizga yuqoridir.
Kompaniyaning yillik daromadi va sof foydasi 25 foizga oshib, tegishlicha 21,5 milliard va 3,4 milliard yevroni tashkil etgan.
8,9 ming yevroga teng mukofot pulini kompaniyaning barcha xodimlari qo‘lga kiritadi. Kompaniya xodimlari 15,6 ming kishiga yaqin ekanligi ma’lum qilinmoqda. Bundan tashqari, Porsche xodimlari pensiyasiga 700 yevro miqdoridagi mablag‘ qo‘shiladi.
Manba
