Quyosh nurlari yuz terisi uchun juda havfli deyishadi. Shunday kunlarda tashqariga chiqishdan oldin yuzga krem surtish mumkinmi? Bu yuzda muammolarning paydo bo’lishiga sabab bo’lmaydimi? Bugun Gooper.uz’da bunga javob topishga harakat qilamiz.
Haqiqattan ham bahorgi quyosh yuz terisi uchun birmuncha havfli hisoblanadi. Agar siz Quyoshli kunlarda tashqariga chiqmoqchi bo’lsangiz va bu vaqtlarda kremlardan foydalanishga ehtiyoj sezsangiz, tanlagan kremingizning quyoshdan saqlovchi hususiyati bor-yo’qligini aniqlang. Agar, bunday hususiyati bo’lmasa, ulardan quyoshga chiqishdan ikki-uch soat oldin foydalaning. Kosmetik vositalar orasida aynan quyoshdan saqlash uchun hizmat qiladigan kremlar ham bor. Agar, siz bahor quyoshi yuzingizga salbiy ta’sir ko’rsatishini istamasangiz, aynan shunday kremlarni tanlang. Bunday kremlarning yorlig’ida yoki idishning o’zida SPF 15, SPF 25, SPF 50 kabi yozuvlar bo’ladi. Ko’rsatilgan raqamning miqdori ortishi kremning quyoshdan saqlash himoyasining kafolati ortishi bilan ifodalanadi. Bunday kremlar yuzingizning quyosh nuridan saqlaydi va ular natijasida paydo bo’ladigan dog’larning oldini oladi. Ulardan foydalangandan so’ng kechasi yuzlarni, albatta, tozalab yotishni unutmaslik kerak.