Samsung kompaniyasi Galaxy Note fabletining Galaxy S6 Edge kabi ikki tomonga qayrilgan modelini ishlab chiqarishni rejalashtirmoqda. Bu haqda KoreaHerald nashriga Samsung strategik masalalar bo'yichi vitse-prezidenti No Txe-mun xabar berdi.
2014 yilda chiqarilgan Galaxy Note Edge fableti faqatgina o'ng tomonga qayrilgan ekranga ega edi. Bu o'z navbatida chapaqay insonlar uchun noqulaylik tug'dirardi. Kompaniya buning echimi sifatida operatsion dasturga yangilik kiritib, ekranni 180 darajaga aylantirishni imkonini yaratdi. Biroq bunda smartfon noodatiy ko'rinishga kirdi: old kamera smartfonning pastki qismida, stilis esa yuqoridan olinishi kerak bo'ldi. Bir tomonga qayrilgan ekranlar foydalanuvchiga noqulaylik tug'dirishini anglab yetgan kompaniya ikki tomonga qayrilgan ekranni tanladi.
